Наступит выздоровление или нет – все в руках Божиих. Несмотря на то, что в христианской традиции человеку предписывается переносить болезнь мужественно, как «горькое лекарство», как средство искупления ошибок жизни, не считается грехом просить Бога об исцелении или умиротворении болезненных синдромов. Просьбы и вопрошения человека к Создателю церкви называются молитвами.
Приведем некоторые из них.
Краткая молитва болящего ко Господу
Господи, Ты видишь мою болезнь, Ты знаешь, как я грешен и немощен, помози мне терпеть и благодарить Твою благость.
Господи, сотвори, чтобы болезнь эта была в очищение множества грехов моих. Аминь.
Молитва ко Пресвятой Богородице пред чудотворной Ее иконой «Всецарица»
Образ Божией Матери «Всецарица» находится в Афонском монастыре Ватопед и с давних времен привлекает страждущих, ищущих заступничества Пречистой Девы в различных недугах. Особенно известны случаи чудесной помощи, поданной чрез икону «Всецарица» страждущим от рака.
О, пречистая Богомати, Всецарице! Услыши многоболезненное воздыхание наше пред чудотворною иконою Твоею, из удела Афонского в Россию пренесенною, призри на чад Твоих, неисцельными недуги страждущих, ко святому образу Твоему с верою припадающих!
Яко же птица крилома покрывает птенцы своя, тако и Ты ныне, присно жива сущи, покрый нас многоцелебным Твоим омофором. Тамо, идеже надежда исчезает, несумненную Надеждою буди. Тамо, идеже лютыя скорби превозмогают, Терпением и Ослабою явися. Тамо, идеже мрак отчаяния в души вселися, да возсияет неизреченный свет Божества! Малодушныя утеши, немощныя укрепи, ожесточенным сердцам умягчение и просвещение даруй. Исцели болящия люди Твоя, о Всемилостивая Царице! Ум и руки врачующих нас благослави, да послужат орудием Всемощнаго Врача Христа Спаса нашего.
Яко живей Ти, сущей с нами, молимся пред иконою Твоею, о Владычице! Простри руце Твои, исполненныя исцеления и врачбы, Радосте скорбящих, в печалех Утешение! Да чудотворную помощь скоро получив, прославляем Живоначальную и Нераздельную Троицу, Отца и Сына и Святаго Духа, во веки веков. Аминь.
Молитва Святому Великомученику и целителю Пантелеимону
Всю жизнь свою на земле святой Пантелеимон посвятил помощи страждущим, больным и убогим. Он лечил людей «безмездно», то есть не брал с них платы. Много претерпел он мучений, но от веры не отрекся, а отдал жизнь за Христа. Святому Пантелеимону молятся об исцелении самых различных недугов.
О, великий угодниче Христов, страстотерпче и врачу многомилостивый, Пантелеимоне! Умилосердися надо мною, грешным рабом, услыши стенание и вопль мой, умилостиви Небеснаго, Верховнаго Врача душ и телес наших, Христа Бога нашего, да дарует ми исцеление от недуга, мя гнетущаго. Приими недостойное моление грешнейшаго паче всех человек. Посети мя благодатным посещением. Не возгнушайся греховных язв моих, помажи тыя елеем милости твоея и исцели мя; да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприяти благий конец жития моего. Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь.
Молитва Святителю Луке, исповеднику, архиепископу Крымскому
Святой исповедник, архиепископ Лука (в миру известный врач хирург Валентин Феликсович Войно-Ясенецкий, 1877–1961 гг.), явил в своем лице образ доброго пастыря, исцеляющего недуги как душевные, так и телесные, показал пример сочетания служения архипастыря и врача. Его молитвами совершаются многочисленные исцеления. Особо обращаются к его святому заступничеству болящие перед предстоящими операциями.
О, всеблаженный исповедниче, святителю отче наш Луко, великий угодниче Христов, со умилением приклоньше колена сердец наших, и припадая к раце честных и многоцелебных мощей твоих, якоже чада отца молим тя всеусердно: услыши нас грешных и принеси молитву нашу к милостивому и человеколюбивому Богу, Ему же ты ныне в радости святых и с лики ангел предстоиши. Веруем бо, яко ты любиши ны тою же любовию ею же вся ближния возлюбил еси, пребывая на земли. Испроси у Христа Бога нашего да утвердит чад Своих в духе правыя веры и благочестия: пастырям да даст святую ревность и попечение о спасении вверенных им людей: право верующия соблюдати, слабые и немощныя в вере укрепляти, неведущия наставляти, противныя обличати. Всем нам подай дар коемуждо благопотребен, и вся яже к жизни временней и к вечному спасению полезная. Градов наших утверждение, земли плодоносие, от глада и пагубы избавление. Скорбящим у тешение, недугующим исцеление, заблудшим на путь истины возвращение, родителем благословение, чадом в страсе Господнем воспитание и научение, сирым и убогим помощь и заступление. Подаждь нам всем твое архипастырское благословение, да таковое молитвенное ходатайство имущи, избавимся от козней лукаваго и избегнем всякия вражды и нестроений, ересей и расколов. Настави нас на путь ведущий в селения праведных и моли о нас всесильнаго Бога, в вечней жизни да сподобимся с тобою непрестанно славити Единосущную и Нераздельную Троицу, Отца и Сына и Святаго Духа. Ему же подобает всякая слава, честь и держава во веки веков.
Аминь.
